Donostiako Kresala zineklubak ikus-entzunezkoen munduan hasiberriak direnei bultzadatxo bat eman nahi die. Hori dela eta, aurten ere film laburren hautaketa egiteko epea ireki dute.
Kresala kultura zinematografikoa zabaltzea helburutzat duen Donostiako elkarte bat da. 1972az geroztik filmak eskaintzen dituzte jatorrizko bertsioan. Emanaldiak Truebako zine aretoetan egiten dituzte, astelehenero, arratsaldeko 19:30ean.
Gipuzkoarra bazara eta zure film laburra pantaila handian ikusi nahi baduzu, bidali helbide honetara: kresalazinekluba.paul@gmail.com. Bidalitako lanen artean hautaketa egin ondoren, 2017ko programazioan sartuko dituzte laburrak. Ez galdu aukera polit hau eta animatu!