Amaia izeneko ama berriaren istorioa kontatuko du Alauda Ruiz de Azúa zuzendari barakaldarrak Cinco lobitos izeneko bere lehen film luzean. Filma Madrilen eta Bizkaiko hainbat lekutan errodatzen ari dira Laia Costa, Susi Sanchez, Ramon Barea eta Mikel Bustamante, tartean, aktoreekin.
1870 eta 1940 urteen artean Nafarroako eta Aragoiko neska gazteek, Ainara gisa ezagunak, Pirinioak zeharkatuta Maulera, espartinen industrian lan egiteko asmoz, burutzen zuten bidaia du hizpide dokumental homonimoak. Juan San Martín eta Ritxi Lizartza dira ikus-entzunezkoaren zuzendariak, eta Anne Etchegoyen kantariak egingo ditu gidari lanak.
Joaquín Mazón Lacasa zinemagile espainiarraren La vida padre proiektu berria errodatzen ari dira egunotan Bilbon, Karra Elejalde protagonista duen komedia gastronomikoa. Maiatzaren 31ra arte ibiliko dira Bizkaiko hiriburuko txoko ezberdinetan, eta jarraian Madrilera joango dira, beste hiru astez filmaketekin jarraitzera. Aktore taldean dira, hala nola, Lander Otaola, Yanet Sierra, Gorka Aguinaglade eta Maribel Salas euskaldunak.
Gaur, asteartea, hilak 9, Iciar Bollainek zuzendutako Maixabel filmaren hainbat pasarte errodatuko dituzte Donostiako Gros auzoan. 09:30etik 19:00era bitartean, kale mozketak eta trafiko aldaketak izango direla iragarri dute udal arduradunek.
ETAk eraildako Juan Maria Jauregi politikari sozialistaren alargun Maixabel Lasari buruzko proiektua du eskuartean Icíar Bollaín zinemagile, gidoilari eta aktore madrildarrak. Iragan otsailaren 8an hasi zuten errodajea, eta Blanca Portillo eta Luis Tosar aktore espainiarrek gorpuztuko dituzte pertsonaia nagusiak.
Zinemagile bilbotarraren proposamen berria, El cuarto pasajero luzea, zazpi astez errodatuko dute Euskal Herrian, Errioxan eta Madrilen, eta joan zen astetik Bizkaiko hiriburuan dago komedia erromantikoa garatzen ari den lantaldea. Blanca Suarez, Alberto San Juan, Ernesto Alterio eta Ruben Cortada dira protagonistak, eta road movie formatua izango du.
Ibon Cormenzana zinemagile bilbotarrak bere laugarren lan zinematografikoa izango denaren errodajeari ekin dio egunotan Euskal Herriko, Kataluniako eta Aragoiko zenbait txokotan. Drama emozional gisa aurkeztu du La cima izena jasoko duen proiektua.
Zineuskadiren ITXITIK deialdiaren babesa jaso duen Iban del Campo zinemagilearen Serendipia laburraren errodajea bukatu dutela jakinarazi du lan-taldeak, eta laster hasiko dira muntaketa lanetan. Koronabirusaren txertoa ikertuko duen Gorane birologoa da filmeko protagonista, Amancay Gaztañaga aktoreak gorpuztuko duen pertsonaia.
Eneko eta Ander Sagardoy anaia bikiek Sumendi Filmak ekoiztetxea sortu dute, eta Galapan produkzio etxearekin elkarlanean, lehen film laburra ekoitzi dute, Maider Oleaga zinemagilearen Kinka. Elena Irureta, María Isabel Díaz eta Josean Bengoetxea dira aktore nagusiak, eta Zineuskadi elkartearen ITXITIK deialdiaren babesa izan dute.
Black is Beltza 2: Ainhoa filmaren prestaketa lanetan dihardu Fermin Muguruzak, orain bi urte Donostia Zinemaldian aurkeztu zuen ekoizpenaren jarraipena izango den proiektuan. Filma 2022ko Zinemaldian estreinatu ahal izatea da asmoa.
