Osasun egoerak eskatutako neurriei erantzunez, ZINEGIN festibalaren edizio fisikoa ez ospatzeko hautua egin dute ekimenaren antolatzaileek. Horren aurrean, film laburrei eskainitako gaualdia egingo dutela iragarri dute, azaroaren 28an, iluntzeko 21:00etatik aurrera.
Espainiako Filmotekak ZINEBItik igaro diren 33 film laburren aukeraketa jasotzen duen zikloa antolatu du Madrilen. Gaurtik hasita, eta azaroaren 29ra arte Bilboko jaialdiaren 59. edizioko lanak ikusteko aukera izango du bertaratzen den interesatu orok.
Bigarren urtez, gaueko zinema ekitaldiak iragarri ditu Bilboko Udalaren Kultura Sailak. Udan zinema zure auzoan izenpean, zortzi emanaldik osatuko dute egitaraua, uztailaren 18tik abuztuaren 9ra, eta hiriko barruti guztietan egingo dituzte saioak.
Gaur bertan, ekainaren lehenegoan, abiatuko dute bideokilp eta film laburren nazioarteko Caostica jaialdiaren XVI. edizioa. Hilaren 11ra bitarte, hamaika txokotatik heldutako sorkuntza piezak ikusi ahal izango dira Bilbon.
Euskal Herrian zein zinemagile euskaldunek ekoiztutako pelikula eta film labur andana ikusi ahal izango da Nantesen, gaurtik hasita apirilaren 8ra arte. Festival du Cinema Espagnol jaialdiak 28. edizioa ospatuko du aurten eta, beste behin, Euskal Zinemagintzak ordezkaritza zabala izango du bertan.
Iragan ostiralean, martxoaren 23an, ezagutu genituen Huhezinema Euskal Film Laburren Jaialdiaren 11.edizioko irabazleak. Arratsaldeko 16:00tan ekin zioten amaiera ekitaldiari, eta ikasle, zinemazale, zein zudendari, babesle eta egileek lepo bete zuten Aretxabaletako Arkupe aretoa. Hesian taldeko abeslari den Zuriñe Hidalgok eta Iban Garcia Youtuberrak gidatu zuten saioa.
Gaur, otsailaren 28an, hasiko dira Laburbira 2018 film laburren zirkuituaren emaldiak. 15.edizioa beteko du aurten ekitaldiak, eta gaurtik hasita martxoaren 28ra bitartean, Euskal Herrian eta euskaraz sortutako filmak erakutsiko dituzte 29 herritan barna.
Vital Fundazioak antolatuta, Euskal Zinemaren Astea egingo dute egunotan Gasteizen. Gaurtik hasita eta larunbatera arte, 2017an ekoitzitako euskal film esanguratsuenak ikusteko aukera izango da Vital Kutxa Gizarte Ekintzaren aretoan. Besteak beste, Jon Garaño eta Aitor Arregiren Handia film laudatua, zein Areka eta Aprieta pero raramente ahoga dokumentalak.
Aditzera eman dute Huhezinema jaialdiko Sail Ofizialean parte hartuko dutenen filmen hamarrekoa. Horrekin batera, gainontzeko ataletan lehiatuko diren laburrak, eta sari desberdinak banatuko dituzten epaimahai kideak ere ezagutu ditugu. Martxoaren 23an, Aretxabaletako arkupe aretoan egingo dute sari banaketa ekitaldia, eta egunean bertan izango dira ikusgai filmok hainbat egileren bertaratzearekin. Jaialdiaren aurreko egunetan, ostera, erakustaldia osatuko duten bestelako laburrak proiektatuko dituzte. Orotarikoak lanak daude ekitaldiaren 11.edizioarako aukeratutakoen artean: eskarmentuzko
Sopelako Kurtzio Kultur Etxean IV. Laburrean film laburren topaketa egingo dute ostiralean, urtarrilak 19. 20:00etan hasita, lau euskal ekoizpen eskainiko dituzte doan. Dena den, gonbidapena aldez aurretik eskuratu beharko da kutur etxean bertan.
